Maharashtra ke Dhule mein ek car se 90 Talvaaren aur Khanjar baraamad, chaar giraphtaar
Ek maheene ke bheetar, Maharashtra mein bhaaree sankhya mein hathiyaar baraamad hone kee doosaree ghatana dekhee gaee hai. Iss baar, Maharashtra pulis ne raajy ke uttaree bhaag ke dhule jile mein 90 talavaaren aur khanjar pakade hain. Hathiyaron ka jakheera Rajasthan ke Chittorgarh se ek Scorpio mein Maharashtra ke Jalna zile mein le jaaya ja raha tha. Ullekhaneey hai ki Congress Rajasthan mein sattaaroodh party hai aur yah Maharashtra mein Maha Vikas Aghadi sarakaar mein bhee bhaageedaar hai.
Dhule zile ke esapee Praveen Kumar Patil ne isakee pushti kee. Unhonne kaha, “Police ne Dhule ke Songir gaanv ke paas ek kaar se bhaaree maatra mein talavaaren baraamad kee hain aur chaar logon ko giraphtaar kiya hai. Vaahan se 7,13,600 rupaye mooly kee 89 talavaaren aur 1 khanjar baraamad kiya gaya hai. Police ne sabhee aaropiyon ke khilaaph Indian Penal Code aur the Arms Act ke tahat maamala darj kiya hai. Haalaanki, Maharashtra mein hathiyaaron kee itanee badee khep kisake paas bhejee jaanee thee aur isake peechhe kaun hai, isaka khulaasa hona abhee baakee hai. Lekin, itanee badee maatra mein mile hathiyaaron kee khep ne raajy mein shaanti vyavastha ko lekar chinta badha dee hai.
Maharashtra | Police seized a large cache of swords from a vehicle near Songir village of Dhule & arrested four people along with it. 89 swords and 1 dagger were recovered worth Rs 7,13,600 along with the vehicle. Further investigation underway: Pravinkumar Patil, SP Dhule (27.4) pic.twitter.com/b1eUGPa4Zy
Police ne maamale mein chaar aaropee Mohammed Sharif Mohammad Shafiq (umr 35), Sheikh Ilyas Sheikh Latif (umr 32), Syed Nai Syed Rahim (umr 29) aur Kapil Dabhade (umr 35) ko giraphtaar kiya hai. Chaaron Jalna zile ke rahane vaale hain. Maamale kee aage kee jaanch jaaree hai.
Gauratalab hai ki Maharashtra mein laudaspeakar ko lekar azaan aur Hanuman Chalisa ko lekar chal rahe vivaad ke beech Maharashtra Navnirman Sena (MNS) chief Raj Thackeray jald hee Maharashtra ke Aurangabad mein janasabha karane vaale hain. Aurangabad Jalna shahar se 42 km kee dooree par sthit hai jahaan in hathiyaaron ko bheja ja raha tha. Isase apriy ghatana kee sambhaavana badh gaee hai.